Размер шрифта: A A A
Цвет сайта: A A A A

“O`zbekenergo” AJning xorijiy va xalqaro tashkilotlar bilan o`zaro hamkorligi

         Elektroenergetika tarmog'idagi islohotlarni davom ettirish hamda ilg'or xorijiy tajribadan foydalanish va yuqori texnologiyali uskunlarni o`rnatish asosida yangi ishlab chiqarish quvvatlarini qurish va mavjudlarini modernizatsiyalash “O`zbekenergo” AJni yaqin kelajakdagi ijtimoiy-iqtisodiy rivojlantirishning eng muhim yo`nalishi hisoblanadi va bu energiya ishlab chiqarish samaradorligini sezilarli darajada oshirish imkonini beradi. Tarmoqni isloh qilish bo`yicha ko`rilayotgan chora-tadbirlar natijasida elektroenergetika Osiyo taraqqiyot banki, Jahon banki, Islom taraqqiyot banki, Yaponiya xalqaro hamkorlik agentligi, Xitoy davlatining Eksimbanki va boshqa xalqaro moliyaviy-iqtisodiy institutlarning O`zbekiston Respublikasidagi investitsion faoliyatining asosiy yo`nalishlaridan biri bo`lib bormoqda.

Masalan, joriy yilda Angren IESda kullik darajasi yuqori bo`lgan ko`mir yoqish uchun mo`ljallangan 150 MVt ega bo`lgan energoblokning qurilishini yakunlanishi rejalashtirilgan bo`lib, bu “Angren” konida ko`mir qazib olish jarayonida to`planadigan taxminan 1 million tonna kullik darajasi yuqori bo`lgan ko`mirdan yoqilg'i sifatida foydalanish imkonini beradi. Mazkur texnologiyadan dunyoda faqat 25 ta issiqlik elektr stantsiyalarida foydalanilmoqda. Ushbu loyihani amalga oshirishga Xitoy davlatining Eksimbanki mablag'lari jalb qilindi. Navoiy IESda quvvati 450 MVt bo`lgan ikkinchi bug'-gaz qurilmasini bunyod etish bilan kengaytirish, Taxiatosh IESda quvvati 230-280 MVtga ega bo`lgan ikkita bug'-gaz qurilmasini, Namangan viloyatida umumiy quvvati 900 MVtga teng yangi To`raqo`rg'on issiqlik elektr stantsiyalarini qurish loyhalari bo`yicha ishlar jadal sur'atda davom ettirilmoqda. Mazkur loyihalarni amalga oshirish uchun JICA va Osiyo tarraqiyot bankining imtiyozli kreditlari jalb qilingan.

O`zbek-Yapon hamkorligi doirasida Yaponiya Hukumati mablag'larini jalb qilgan holda texnologiyalarni joriy etish va energetika sektorini mustahkamlash maqsadida (“YUPITER” tashabbusi bilan) energiya ishlab chiqarishning asosiy quvvatlarini modernizatsiyalash bo`yicha bir qator loyihalarni amalga oshirish rejalashtirilgan. Yaponiya Bosh vaziri Sh. Abening 2015 yil 24-26 oktyabrda O`zbekiston Respublikasiga qilgan rasmiy tashrifi chog'ida Toshkent shahrining Yunusobod tumanida har birining quvvati 27 MVtga teng 4 ta gaz-turbina qurilmasi (GTQ) ni qurish loyihasi bo`yicha bitim, O`zbekiston Respublikasi Hukumati bilan Yaponiyaning yangi energetik va sanoat texnologiyalarini rivojlantirish tashkiloti (NEDO) o`rtasida Farg'ona IEM da zamonaviy texnologiyalarni joriy etish maqsadida bayonnoma imzolandi.

Mamlakatimiz temir yo`llarining yagona tarmog'ini yanada rivojlantirish bo`yicha chora-tadbirlar doirasida “O`zbekenergo” AJ Jahon bankining sarmoyasi va tarmoqning o`z mablag'larini jalb qilgan holda Angren-Pop va Samarqand-Buxoro temir yo`l liniyasining tashqi elektr ta'minoti ob'ektlarini qurmoqda. O`zbekiston Respublikasi qayta tiklanadigan energiya manbalarining (shamol, quyosh, gidravlik energiya) katta zahirasiga ega ekani ularni yoqilg'i-energetika balansiga jalb qilishning maqsadga muvofiqligini belgilaydi. O`zbekiston Respublikasi Prezidentining 2013 yil 1 martdagi “Muqobil energiya manbalarini yanada rivojlantirish chora-tadbirlari to`g'risida”gi PF-4512 sonli farmonini amalga oshirish doirasida Osiyo taraqqiyot banki mablag'larini jalb qilgan holda Samarqand viloyatida quvvati 100 MVtga teng quyosh foto elektr stantsiyasi (FES) ni qurish loyihasini amalga oshirish bo`yicha ishlar boshlandi. 2020 yilgacha bo`lgan davrda Namangan va Surxondaryo viloyatlarida ham quvvati 100 MVtga teng FESlarini qurish rejalashtirilgan.

O`zbekiston Respublikasining shamol energetikasi imkoniyatlarini rivojlantirish sohasida izlanishlar olib borilmoqda. Jumladan, 2016 yil iyun oyida bo`lib o`tgan shamol energetikasi imkoniyatlarini rivojlantirish bo`yicha milliy konfe-rentsiyada ishtirokchilar Intec-GOPA va GEONET (Olmoniya) kompaniyalari tomonidan Xalqaro tiklanish va taraqqiyot banki yordamida respublikaning ikkita istiqbolli hududi (sanoat intensiv rivojlanayotgan hududlar) – Navoiy viloyati hamda Qoraqalpog'iston Respublikasining janubida shamol energetikasi imkoniyatlarini aniqlash maqsadida o`tkazilgan batafsil tadqiqot natijalari bilan tanishtirildilar. Shuningdek, konferentsiya doirasida ishtirokchilar, shamol energetikasi loyihalarini rivojlantirishning zamonaviy yo`nalishlari, uskunalari, hamda bu kabi loyihalarni moliyalashtirish turlari bilan ta-nishtirildilar.

Mamlakatimizda shamol energetikasini rivojlantirishda O`zbekiston Respublikasi Hukumati va “O`zbekenergo” AJ Xalqaro tiklanish va taraqqiyot banki vakillari tomonidan qo`llab-quvvatlanishi bildirildi. Qayta tiklanadigan energetikani rivojlantirish maqsadida, birinchi navbatda gidroenergetika imkoniyatlaridan foydalanish uchun Islom taraqqiyot bankining mablag'larini jalb qilgan holda Farhod GES, Toshkent, Qodiriya, Shahrixon, shuningdek Quyi Bo`zsuv kaskadlari GESlarini mo-dernizatsiyalash va ta'mirlash bo`yicha investitsion loyihalar amalga oshirilmoqda. Endilikda Osiyo taraqqiyot banki, Jahon banki, Islom taraqqiyot banki va boshqa investorlarning sarmoyalarini jalb qilgan holda, “O`zbekenergo” AJning elektr tarmoqlarida elektr energiyasini hisoblashning avtomatlashtirilgan tizimini joriy etish va iste'molchilarga 5,5 million dona zamonaviy elektron hisoblash asboblarini o`rnatish bilan 1,8 mlrd. kVt soat elektr energiyasini tejash imkoniyati nazarda tutilmoqda.

Shaxsiy kabinet

maishiy iste'molchilar uchun
  • Elektr energiyasi uchun to'lov qulaylik
  • SMS to'lovlar xabardor
  • Axborot SMS xabar
  • Nazorat xarajatlar
Kabinetga o`tish
Belgilangan matnni tinglash uchun quyidagi tugmani bosing Powered by GSpeech