Размер шрифта: A A A
Цвет сайта: A A A A
22 Nov 2018

Марказий Магистрал электр тармоқлари «Ўзэлектртармоқ» унитар корхонаси филиали ҳисобланади. Марказий МЭТ нинг асосий вазифалари электр энергиясини ҳосил қилувчи корхоналардан (электр станциялар) тақсимловчи яъни ҳудудий электр тармоқлари корхоналарига электр энергиясини юқори кучланишли магистрал электр узатиш тармоқлари орқали узатишдан иборатдир.

Марказий МЭТ лари Тошкент , Сирдарё, Жиззах вилоятларида ўз бўлинмаларига эга. Марказий МЭТ лари 500, 220, 110 ва 35 кВ кучланишли электр узатиш тармоқлари (линиялари), 110-500 кВлик подстанцияларига эга.

Ҳозирги кунда Жиззах вилоятидаги “Жиззах” ва Тошкент шаҳридаги “Қўйлиқ” подстанцияларидаги 125 МВА қувватга эга бўлган куч трансформаторларини 200 МВА қувватли хорижда ишлаб чиқарилган замонавий трансформаторларига алмаштириш ишлари амалга оширилмоқда. Ушбу ишларни самараси туфайли янги барпо этилаётган ишлаб чиқариш корхоналарини электр энергиясига бўлган эҳтиёжлари қондирилади.

Ўзбекистон Республикаси Вазирлар Маҳкамасининг 2013 йил 12 июндаги 168 сонли «Ишлаб чиқариш корхоналарининг энергия самарадорлигини ошириш» бўйича кўшимча чора тадбирлари лойиҳаси тўғрисидаги» қарорига асосан 500кВ кучланишли «Тошкент» подстанциясида 6 дона ва 220кВ кучланишли «Қуйлик» подстанциясида 220-110-35 кВлик жами 36 дона ҳаволи ўчиргичлар замонавий Ҳитой давлатининг «Sieyuan Elektrik Co LTD» компаниясининг элегазли ўчиргичларига алмаштирилди. Ҳозирда 220 кВли “Чирчиқ” подстанциясида 220 кВли ҳаволи ўчиргичларини замонавий элегазли ўчиргичларига алмаштириш бўйича қурилиш-монтаж ишлари амалга оширилмоқда.

Ушбу лойиҳа алмаштирилаётган электр қурилмаларидан 18-20 йил мобайнида таъмирлаш ишларсиз фойдаланиш имкониятларини яратиши билан бир қаторда, корхона энергообъектларнинг ишончли ишлашини таъминлаш буйича ҳар йили бажариладиган таъмирлаш ишлари учун ажратилаётган харажатларни кескин даражада камайишига, электр қурилмаларининг мустаҳкам ва ишончли ишлашини таъминлашга ҳамда ишлаб чиқариш жараёнидаги мавжуд электр энергия учун технологик сарфларнинг тежалишига замин бўлади.

Қуйидаги фотосуратларда эскирган электр қурилмаларини янги замонавий қурилмаларига алмаштирилган лавҳалари акс эттирилган:

Manba: "O`zbekenergo" AJ axborot markazi
Просмотров: 124
Belgilangan matnni tinglash uchun quyidagi tugmani bosing Powered by GSpeech