Размер шрифта: A A A
Цвет сайта: A A A A
 

“O'ZBEKENERGO” AJ 2015 YILDAGI FAOLIYATI HAQIDAGI QISQACHA YAKUNLARI

     2015 yilning 16 yanvarida Vazirlar Mahkamasining majlisida O'zbekiston Respublikasining Prezidenti tomonidan belgilangan davlat iqtisodiyotini rivojlantirishning asosiy ustuvorligini amalga oshirishda kelib chiqgan muhim vazifalarni ta'minlash maqsadida, “O'zbekenergo” AJ tomonidan energetika korxonalarining barqaror ishlashini ta'minlash, hamda 2015 yil ishlab chiqarish faoliyatining prognoz ko'rsatgichlariga erishish uchun bir qator chora-tadbirlar qabul qilindi.

“O'zbekenergo” AJ elektr stantsiyalari tomonidan iste'molchilarga 55,5 mlrd. kVt· soat elektr energiyasi ishlab chiqarilib, o'sish sur'ati×ko'rsatkichlari 104,2% tashkil etdi, shuningdek, iste'molchilarga 8,2 mln. Gkal hajmda issiqlik energiyasi uzatildi. Mahsulotni eksport qilish va xizmat ko'rsatish bo'yicha prognoz ko'rsatkichlarining bajarilishi 100,1 % tashkil etdi.

“O'zbekenergo” AJ korxonalari tomonidan mahalliy xomashyo asosida mahalliylashtirilgan mahsulot ishlab chiqarishga doir topshiriqlar 106,5% bajarildi.

Ishlab chiqarish xarajatlarini qisqartirish bo'yicha ko'rilgan choralar natijasida mahsulot tannarxi 14,0% ga pasaydi. Tarmoqlarga xizmat ko'rsatish, loyiha-qidiruv va qurilish-montaj ishlari amalga oshirildi.

O'zbekiston Respublikasi Prezidentining 2014 yil 17 noyabrdagi “O'zbekiston Respublikasining 2015 yilga mo'ljallangan Investitsiya Dasturi to'g'risida”gi PQ-2264 sonli qaroriga muvofiq “O'zbekenergo” AJ tomonidan 26 ta yirik investitsiyaviy loyihalarni amalga oshirish ishlari olib borilib joriy yilda 8 ta energetika ob'ektlari ishga tushirildi.

Jumladan, gidroenergetika tizimida mavjud GESlarni bosqichma-bosqich modernizatsiyalash loyihalarini amalga oshirish ishlari davom etmoqda. Joriy yilda Chorbog' GESning 3-gidroagregatni ishchi g'ildiraklarini almashtirish bo'yicha montaj ishlari yakunlandi.

“Toshkent IESda quvvati 370 MVt bo'lgan bug'-gaz qurilmasini qurish” loyihasi bo'yicha uskunalarning asosiy bo'g'imlarini montaj ishlari yakunlanib, bugungi kunda ishga tushirish va sozlash ishlari davom ettirilmoqda.

“Janubi-G'arbiy hududidagi uskunalarni modernizatsiyalash” loyihasi bo'yicha Ko'kdumaloq 220 kV NS va Muborak-2 NS larda uskunalarni montaj ishlari yakunlandi. Shuningdek, “Angren” MIZ ob'ektlariga elektr energiyani etkazib berish uchun 16,0 ming kV•A quvvatiga ega bo'lgan transformator 110 kVli havo liniya va 110/35/6 kV ARK nimstantsiyasining qurilish ishlari tugatildi.

0,4-6-10-35 kVli elektr tarmoqlarini qayta qurish va yangilash bo'yicha chora-tadbirlarni amalga oshirish jarayonida umumiy uzunligi 912,0 km dan ortiq past kuchlanishli liniyalar qurilib, 660 dan ziyod komplekt transformator punktlari o'rnatildi.

Uzunligi 28,2 km bo'lgan “Karatau-Mangit” 110 kVli xavo stantsiyasi kurilishi orqali Mangit nimstantsiyasi qayta ta'mirlandi.

Ustyurt gaz-kimyo majmuasi uchun tashqi elektr energiyasi bilan ta'minlovchi ob'ektlarni qurish ishlari amalga oshirildi.

Bir qator issiqlik elektr stantsiyalarida, shu jumladan, Tolimarjon, Taxiatosh va Navoiy elektr stantsiyalarda bug'-gaz qurilmalarini qurish bo'yicha loyihalarini amalga oshirish ishlari davom etmoqda.

“Angren IESda kullik darajasi yuqori bo'lgan ko'mir yoqish uchun mo'ljallangan 130-150 MVt quvvatli energoblokni qurish” loyihasi bo'yicha bosh bino, qozonxona, turbina tsexi, suvni kimyoviy tozalash binosi, tutun chiqish mo'risi va kul-chiqindisini yig'ish hovuzlarida qurilish-montaj ishlari davom ettirilmoqda.

Namangan viloyatining To'raqo'rg'on tumanida quvvati 450 MVt ikkita bug'-gaz qurilmasi umumiy quvvati 900 MVt tashkil etgan issiqlik elektr stantsiyasining qurish loyihasi bo'yicha, loyihani kuzatib boruvchi maslahatchi tanlash uchun tender e'lon qilinib, “TEPSO” (Yaponiya) g'olib - kompaniyasi bilan shartnoma imzolandi. Qurilish maydonlarida infratuzilma va kommunikatsiyani tayyorlash bo'yicha ishlar olib borilmoqda.

“Angren-Pop” elektrlashtirilgan temir yo'l liniyasi qurilishida tortuvchi kuchga ega nimstantsiyasini tashqi elektr energiyasi bilan ta'minlash” to'g'risidagi investitsiya loyihasi doirasida “O'zbekenergo” AJ tomonidan 110 kVli HL va uzunligi 6 kilometr bo'lgan 220 kV li HL sini loyihalash, qurish hamda mavjud nimstantsiyalar va ochiq taqsimlovchi uskunalarni qayta ta'mirlash ishlari amalga oshirilmoqda.

Yoqilg'i-energetika balansini diversifikatsiyalash maqsadida muqobil energiya manbalaridan samarali foydalangan holda «O'zbekenergo» AJ tomonidan Samarqand viloyatida quvvati 100 MVt bo'lgan quyosh elektr stantsiyasini qurish loyihasi bo'yicha ishlar davom ettirilmoqda. Stantsiyani qurish uchun Bosh pudratchini tanlash bo'yicha moliyaviy takliflarni ochish marosimi bo'lib o'tdi.

Muqobil energiya manbalaridan foydalanishni kengaytirish tadbirlar kompleksi va targ'ibot ishlari asosida “O'zbekenergo” AJ tomonidan 15 ta loyiha amalga oshirilgan: 12 ta loyiha issiq suv ta'minoti uchun quyosh kollektorlarini, 1 ta fotoelektrik batareyalarni va 1 ta biogazli qurilmani tatbiq etish bo'yicha loyihalar amalga oshirildi. Qolgan loyihalar bo'yicha uskunalarni olib kelish va o'rnatish uchun shartnomalar tuzilgan.

Elektr energiyasini xisobga olish tizimini modernizatsiyalash loyihasi bo'yicha “O'zbekenergo” AJ korxonalari tomonidan, elektr energiyasini hisobga oluvchi zamonaviy elektron hisoblagich asboblarini joriy etish ishlari olib borilmoqda. Shu davr ichida yuridik iste'molchilariga 160,0 mingdan ortiq bir fazali va 230,0 ming uch fazali elektron hisob asboblari; maishiy iste'molchilariga 3800,0 ming bir fazali va 25,0 ming uch fazali elektron hisoblagich asboblari o'rnatildi.

O'zbekiston Respublikasi Prezidentining “Keksalarni qadrlash va e'zozlash yili” Davlat dasturi to'g'risida”gi qarorini bajarish maqsadida sarf xarajati 4,1 mlrd. so'mni tashkil etgan soha dasturi ishlab chiqilgan bo'lib, rejalashtirilgan tadbirlar davr prognoziga nisbatan 111,0 foizga bajarildi.

Oziq-ovqat dasturi doirasida qishloq xo'jalik mahsulotlarini ishlab chiqarishni, chorvachilik majmualari, parrandachilik va baliqchilik ho'jaliklari hamda yuqori texnologik issiqxona qurilishlarini tashkil etish ishlari davom ettirilmoqda. Mazkur dastur doirasida 2015 yilda 37,1 tonna go'sht, 551,7 tonna sut, 268,9 tonna sut mahsuloti va 657,3 tonna sabzavot mahsulotlari etkazib berildi.  

Shaxsiy kabinet

maishiy iste'molchilar uchun
  • Elektr energiyasi uchun to'lov qulaylik
  • SMS to'lovlar xabardor
  • Axborot SMS xabar
  • Nazorat xarajatlar
Kabinetga o`tish
Belgilangan matnni tinglash uchun quyidagi tugmani bosing Powered by GSpeech